НААДМЫН МАРГААШ


Наран холдох тэртээ нэл өнгөөр цайвалзаж

Наадмын өдрийн маргааш намар наашаа дөтөлнө

Хурдан хээр уяанаас ижилдээ очиж нийлэхүй

Хур таргатай хэд нь бардамнан тойрч үнэрлэнэ

Цулбуур өгсөн хүлэг огторгуйгаас буусийм шиг

Цуглаж шохоорхох адгуус үнэрээр танин ижилсэнэ

Зуслангаас ирсэн адуу үсээ гээх хүртэл

Зун намрын хооронд үлэмжхэн зай хоргодно

 

1979 Дрезден


     
Bookmark and Share