ОХИН МИНЬ СОНС

ОХИН МИНЬ СОНС

Оргил бүхэн чинийх,

  дүүл охин минь дүүл

Очих ертөнц гэр чинь

хоргодох газарт бүү тухал.

Далай чамд уусна,

чи далайг уусгана

Даяар Оршихуй нэгэн бөлгөө,

                        тэр гэвээс чи буюу

Аргамжааны хүлэг өглөө гэхэд үгүй

                        аргамжаас чөлөөлөгджээ.

Ай хөөрхий,

Авснаас чөлөөлөгдөхийг

мэддэгч болоосой хүн!

Авс чирсээр, төрөл хураасаар,

                        амьдрал гэж эндүүрсээр ...

Ай халаг!

Үхэл үүрч, төрөл сундалж, зовлон дүүрч

жаргал горилсоор ...

Ай халаг!

Айдас хүүдсээ үлдээлгүй гээж

                        амьддаа мөнхрөгч юутай мэргэн!

Хотол цэнгэл хаа бол

хоолойн цараа тэнд

Хол ойр хамаагүй,

эрх чөлөө тэнд

Орчлон чи өөрөө шүү,

алдах юм үгүй

Ойж буух сэтгэлээ

                        дарсан болохоор амгалан!

Эндүүрсээр дуусдаг хорвоогийн

                        ээдрээг тайл даа, охин минь!

Оргил бүхэн чинийх,

  дүүл охин минь дүүл

Очих ертөнц гэр чинь,

хоргодох газарт бүү тухал

Далай чамд уусна,

                        чи далайг уусгана

Даяар Оршихуй нэгэн бөлгөө,

                        тэр гэвээс чи буюу ...

2017. 3. 6 Улаанбаатар хот

 


     
Bookmark and Share


Сүүлд нэмэгдсэн


ХҮН, ХҮНИЙ ХӨГЖЛИЙН ШИНЭ ҮЗЭЛ БАРИМТЛАЛ ХҮН, ХҮНИЙ ХӨГЖЛИЙН ШИНЭ ҮЗЭЛ БАРИМТЛАЛ
Хүмүүний нууц бол сэтгэл. Сэтгэлээ ажиж явбал нууц өөрт бийг мэдэх болно.
(7 өдрийн өмнө)
БУДДИЗМ БА СЭТГЭЛИЙН ЕРТӨНЦ БУДДИЗМ БА СЭТГЭЛИЙН ЕРТӨНЦ
The International conference on"Traditional medicine for global Well-Being:Science,Policy&Practice"
(1 сарын өмнө)
БУДДЫН БА БАЙГАЛИЙН ШИНЖЛЭХ УХААНЫ ИНТЕГРАЦ.  ХҮН, ГЭРЭЛ, ЭНЕРГИ, УХАМСАР, ХООСОН ЧАНАР, КВАНТ, САМАДИ: БУДДЫН БА БАЙГАЛИЙН ШИНЖЛЭХ УХААНЫ ИНТЕГРАЦ. ХҮН, ГЭРЭЛ, ЭНЕРГИ, УХАМСАР, ХООСОН ЧАНАР, КВАНТ, САМАДИ:
Шинжлэх ухааны оньсого таалцах нь: Гэгээрлийн шинжлэх ухааны үндэс.
(1 сарын өмнө)

Онцлох шүлэг


Ном, бүтээлүүд


КАРМА - УЧИР ШАЛТГААН, ҮЙЛ ҮРИЙН НОМ Ⅳ БОТЬ ЯРУУ НАЙРГИЙН ТЭНГЭР ДОР БИЛГҮҮНИЙ ОХЬ - БУДДЫН БА БАЙГАЛИЙН ШИНЖЛЭХ УХААНЫ ДАВХЦАЛ НУУЦЫН НУУЦ БУРХАН БУДДА - ШАШИН БА ШИНЖЛЭХ УХААНЫ НОЁН ОРГИЛ УЯХАН ЗАМБА ТИВИЙН НАРАН ДОР САМАДИ АГУУЛСАН ХУТАГТ БАГШ НАР  КВАНТ БОЛОВСРОЛ КВАНТ ЭМЧИЛГЭЭ

Хуанли