ЗҮСРЭХ ХУРЫН ШИВРЭЭХЭН МИНЬ

Нүдийг чинь санажээ би

Нүгэл үгүй харцныхаа нөмөрт нуучхаарай намайгаа

Өндгөн сар шиг торомгор нүдэн минь

Үүл үгүй сэтгэлийнхээ үзүүрт аргамжачхий чамайгаа

Азаар надад Бурхан ханьсуулж заяасийм

Айзам яруу найрагхан минь!

Буруу зөвгүй заяаг эрх дураар нь задгайлж

Бууж мордох хорвоог сандаах гэсийм аа хоёулаа

Бугуйлын эмнэг шиг жавхаатайхан минь!

Үсийг чинь задгайлж наранд харуулъя

Очилж ноцсон хайрхан минь!

Өврийг чинь задгайлж саранд харуулъя

Очир эрдэнийн шигтгээхэн минь!

Сэтгэлийг чинь задгайлж Бурханд харуулъя

Онгодын цолгин дүрсгүйхэн минь!

Зүрхийг чинь нээж өөртөө харуулъя

Зүггүйтэгч оргилуун дарсхан минь

Зүсрэх хурын шиврээхэн минь!

 2017. 3. 4