УВС НУУР


Увс нуурын мандалд

Уулс согтуу дайвна

Ууж дуулж насалсан

Уул нуур хоёр оо

Уран жиргээ наадуулсан

Уянга цэнхэр нуур аа

Увс нуурын мандалд

Од буун наадна

Онгон зүүдээ хуваалцсан

Од нуур хоёр оо

Салхи зогсож шохоорхох

Сар үйсэн нуур аа

Увс нуурын мандалд

Усны шувуу найрлана

Уйдаад салчих аргагүй

Ус шувуу хоёр оо

Нуур амилааж үелзэх

Нутгийн шувууны амьсгал аа

 

1993.5.9

(Энэ шүлгэнд дүү Гүррагчаагийн Дамба ая хийсэн)

 


     
Bookmark and Share