БИДЭН ХОЁР

Жил жилийн цэцэгтэй цуг алаглан

Чинийхээ хамт дэлхийг чимж амьдрав

Цэн цэнгийн дусал хуртай хамт бударч

Цийлэн цэнхэр тэнгэрийг цуурайлтал инээж амьдрав

Цаг цагийн салхитай хамт гиншин

Чамаасаа хойш сэтгэлээ даалгүй налмайв

Цаг цагийн шувуутай хамт гунганан

Цал бууралтсан сүүдрээ хань татаж гудайв

 

1997 он

"Бид хоёр сэтгэлийн дээд хөгийг хөглөж, дээд өнгийг дуугаргасан юм. Нэгэнт дуугарсан тэр дээд өнгө биднийг үгүйд ч дуугарч л байх ёстой".

"Дүүриймаа" номоос, 1997 он


 


     
Bookmark and Share