Эгшиг минь чамдаа
Гийгүүлэгч байх гэж
Эх хэлэндээ авиа нэмж шивнэх гэж
Хайрын тэнгэрт харц нэмж шиврээх гэж
Хавраар цэцэгнээс урьтаж дэлгэрсээн би
Эгшиг минь чамдаа Гийгүүлэгч байх гэж,
Эмээлийн бүүрэг зуурч унаж үхчихгүй гэж
Элж ширгэсэн горхи тойрч живж үхчихгүй гэж
Эдгэрч аньсан үлий тойрч цөмөрч үхчихгүй гэж
Эцэнхий морины сүүл хөдөлгөн хэдэн зуун сажилсаан
Эгшиг минь чамдаа Гийгүүлэгч байх гэж,
Эзэн Чингисийн сүнс бараадан төөрчихгүй гэж
Эр хоёр загалын мөр хөөн явгарчихгүй гэж
Эцэг эхийн төөрөг хайн будилчихгүй гэж
Эгшиг минь чамайгаа олж ирсээн би
1996.9.7
English
