УЯАН ДЭЭР ӨНЖСӨН ЗУН


Хур нар тэгширсэн энэ зуны наадамд

Хулангаас бусад нь уралдав, уяа хурд тэгшхэн

Хөлхөө наргиа сүлэрсэн энэ зуны наадамд

Хөгшид нялхас дутсангүй, хөл хөөрцөг тэгшхэн

Уяан дээр өнжсөн зун гараанд шилгээн хоцорч

Ураа цолгин хүлэг салхи сандааж эргэв

Уйтан хөндийн ногоо хөөрцөглөн цовхчиж

Ухаа толгод хотолзуулан уулс дайвуулж эргэв

Газар тэнгэрийн хий зайд галтай туурай цахилж

Гариг хооронд дүүлж алдан гантай амгай агсчуулж

Өврийн уулс өндөлзүүлэн салхи хуйлан айсуй

Арын уулс найгуулан тоос шидлэн айсуй

Ажнай хүлгийн тоосонд хийморь сэргэнэ гэлцэж

Атигар бор эмээ газар догонцуулан айсуй

Түгшиж эгшиж хүлээсэн морьд ирэв

Төөнөж буугиж хүлээсэн морьд ирэв

Дурангийн тод харааг бүрэлзүүлэн

Дуутын шар хөтлийг навталзуулан ирэв

Дэгэл гэгэл сэтгэлийг мэгшүүлэн ирэв

Дэлхийн будар хурыг асгаруулж ирэв

Зун зуны цэцгийг сортолзуулан дүүлж цойлж ирэв

Зүг зүгийн салхийг самран ойж бууж ирэв

Түрүү хүлгийн хөлсөнд хийморь сэргэнэ гэлцэж

Түнтгэр хүрэн өвөө өөртөө агсамнаж ирэв

Хур нар тэгшхэн энэ жилийн наадамд

Хулангаас бусад нь уралдав уяа хурд тэгшхэн

Хөлхөө наргиа сүлэрсэн энэ зуны наадамд

Хөгшид нялхас дутсангүй хөл хөөрцөг тэгшхэн

 

1993.8.20


     
Bookmark and Share


Сүүлд нэмэгдсэн


ДОРНЫН ИХ ЯРУУ НАЙРАГЧ  БЭГЗИЙН ЯВУУХУЛАН ДОРНЫН ИХ ЯРУУ НАЙРАГЧ БЭГЗИЙН ЯВУУХУЛАН
Яруу найргийн тэнгэрлиг аянд хөтөлсөн багш минь
(11 өдрийн өмнө)
ЯРУУ НАЙРГИЙН МИНЬ ӨГҮҮЛЭМЖ 2: ЯРУУ НАЙРГИЙН МИНЬ ӨГҮҮЛЭМЖ 2:
Монгол бүсгүй
(11 өдрийн өмнө)
ЭХ ОРНЫ ДАЙНЫ СЭДЭВТ ДУУЛЬ, НАЙРАГЛАЛ ЭХ ОРНЫ ДАЙНЫ СЭДЭВТ ДУУЛЬ, НАЙРАГЛАЛ
Эх орны дайны агуу ялалтын түүхт 80 жилийн ойд
(14 өдрийн өмнө)

Онцлох шүлэг


Ном, бүтээлүүд


БИЛГҮҮНИЙ ОХЬ - БУДДЫН БА БАЙГАЛИЙН ШИНЖЛЭХ УХААНЫ ДАВХЦАЛ НУУЦЫН НУУЦ БУРХАН БУДДА - ШАШИН БА ШИНЖЛЭХ УХААНЫ НОЁН ОРГИЛ УЯХАН ЗАМБА ТИВИЙН НАРАН ДОР САМАДИ АГУУЛСАН ХУТАГТ БАГШ НАР  КВАНТ БОЛОВСРОЛ КВАНТ ЭМЧИЛГЭЭ ЧИНГИС ХААНЫ НУУЦ БА УХАМСРЫН ХҮН МОНГОЛЧУУД ШИНЖЛЭХ УХААНЫ ШИНЭ ЭХЭН

Хуанли