Чамд би сураг ч үгүй

Дурлал надад сураг ч үгүй

Залуу нас золбоондоо гэрэлтэн

Дуун жигүүрээр дэрвэж байна

Хөөрхөн нүд гэж чинийх юмуу

Хөөрхнийг шилж хайгаагүй л юмсан

Насны жаргал гуйхсан гэмээр

Нандин нэгэн совин татна

Аашны хөөрхөн нь чинийх юмуу

Аргагүй ялдмыг хайгаагүй л юмсан

Зүрхний үгийг булааж алдан

Зүүд хугасалж учир ургана

Хорь шүргэх дэгдээхэй чиний

Хорвоог баясгах золбоонд сөхөрч

Хонгор зул хумбан дэлбээгээ

Харуут задлах жавхаанд биширч

Захын одноос тусах гэгээний

Цалманд унах зүрхээ аргадаж

Ижлээ хайсан Сэмбэрүү цэцэгний

Энхэр зулайд хайраа шивнэнэ

Газрын дөл шиг цээж төөнөх

Гал хайрын дуудлага аван

Насны омгоор сэтгэл хөвсөрч

Найргийн бурманд зүрх хайлна

Хөөрхөн нүд гэж чинийх юмуу

Хөөрхнийг шилж хайгаагүй л юмсан

Аашны сайхан нь чинийх юмуу

Аргагүй ялдмыг хайгаагүй л юмсан

1979.4.18 Дрезден