Монгол улсын гаөъяат тамирчин, улсын хурц арслан Д.Мөнх-Эрдэнэд

Ат өргөсөн эрчүүд ургаа хад шиг тэнцрэхэд

Адуу залсан эцэг хүү өвөрлөж зүүдлээ биз

Арван засгийн бөхчүүл уулсаа түшин дэвэхэд

Аргал хормойлох эх эрдэнэ олсноо нуугаа биз

Таван тэнгэр хишгээ Арын хангайд хайрлахад

Тарвагатайн нуруу хотойж Тайхир чулуу бөхийсэн биз

Тамирын бүх усаар бүтэн булхаж рашаалахад

Талын хөх Монгол "Эрдэнэ засаг"-аа исгэрээ биз

Эр хоёр загал тэнгэрт хулжин омгороход

Эмээлийн хоёр олмоор ийж яаж тогтоогоо биз

Эр бяртайгаа исэлдэж дээлэндээ багтахаа болиход

Энгэрийн хоёр товчоор арай нэг тогтоогоо биз

Арслан зааны сүрэг шиг монголын их бөхчүүлээ гэж

Алтайн Мөнх оргил шиг эрийн сүлд Эрдэнээ гэж...

1999 он