ОДЕССА


Далайн зөөлөн тунараа дундаа

Далбаат хөлгийн Одесса чи минь

Дөлгөөн харцны талимаа гэлтэй

Дөмөн дууны эгшиг аятай

Оюутан цагаа уясан дурсахуй

Одесса чи минь сэтгэлд тодхон

Далай уулга алдангаа

Давалгаа хаялах наадаатай

Мөнгөлөг долгио угалзраад

Мөлгөр чулуунд хээлээстэй

Оюутан цагаа уясан дурсахуй

Одесса чи минь сэтгэлд тодхон

Шөнийн гийчид уйдаамгүй

Ногоон төглийн Одесса минь

Сэтгэлийн үр хэнзэлсэн

Нялх нахиа төлжөөстэй

Оюутан цагаа уясан дурсахуй

Одесса чи минь сэтгэлд тодхон

 

1973 он


     
Bookmark and Share