Нутгийн уулс шиг эцгийн минь сүр

Нугын цагаан гэртээ бий

Нугын цагаан гэр дотроо

Нутгийн минь тал шиг хоймортоо бий

Тэнгэрийн өнгө шиг эцгийн сэтгэл

Тэрхийн Цагаан нуурандаа бий

Тэрхийн мөнгөн хун шиг

Дээвэр цагаан гэртээ бий

(Уг шүлгэнд дүү Гүррагчаагийн Дамба ая хийсэн)

"Суврага хайрханы сунасан хөх нуруу нэвсгэр ойтойгоо хажууханд налайж, хөлс нэвчсэн цамцаа хагас эгэлдрэглэн аав  минь мод толгойгоо тогшин амсхийж суудагсан.Миний нүдээрээ үзсэн тэр зураг, тэр амьдрал давтагдашгүй ээ. Амьдрал ийм л энгийн эгэлхэнээс амттай тансаг болдог ажээ. Эцгийн таниулсан орчлон надад ухаарлын туйл болон үлджээ".

"Эцгийнхээ дэргэд жаргалтай явсан минь" дурдатгалаас,1974 он