УЯАН ДЭЭР ӨНЖСӨН ЗУН


Хур нар тэгширсэн энэ зуны наадамд

Хулангаас бусад нь уралдав, уяа хурд тэгшхэн

Хөлхөө наргиа сүлэрсэн энэ зуны наадамд

Хөгшид нялхас дутсангүй, хөл хөөрцөг тэгшхэн

Уяан дээр өнжсөн зун гараанд шилгээн хоцорч

Ураа цолгин хүлэг салхи сандааж эргэв

Уйтан хөндийн ногоо хөөрцөглөн цовхчиж

Ухаа толгод хотолзуулан уулс дайвуулж эргэв

Газар тэнгэрийн хий зайд галтай туурай цахилж

Гариг хооронд дүүлж алдан гантай амгай агсчуулж

Өврийн уулс өндөлзүүлэн салхи хуйлан айсуй

Арын уулс найгуулан тоос шидлэн айсуй

Ажнай хүлгийн тоосонд хийморь сэргэнэ гэлцэж

Атигар бор эмээ газар догонцуулан айсуй

Түгшиж эгшиж хүлээсэн морьд ирэв

Төөнөж буугиж хүлээсэн морьд ирэв

Дурангийн тод харааг бүрэлзүүлэн

Дуутын шар хөтлийг навталзуулан ирэв

Дэгэл гэгэл сэтгэлийг мэгшүүлэн ирэв

Дэлхийн будар хурыг асгаруулж ирэв

Зун зуны цэцгийг сортолзуулан дүүлж цойлж ирэв

Зүг зүгийн салхийг самран ойж бууж ирэв

Түрүү хүлгийн хөлсөнд хийморь сэргэнэ гэлцэж

Түнтгэр хүрэн өвөө өөртөө агсамнаж ирэв

Хур нар тэгшхэн энэ жилийн наадамд

Хулангаас бусад нь уралдав уяа хурд тэгшхэн

Хөлхөө наргиа сүлэрсэн энэ зуны наадамд

Хөгшид нялхас дутсангүй хөл хөөрцөг тэгшхэн

 

1993.8.20


     
Bookmark and Share


Сүүлд нэмэгдсэн


ТӨГС ГЭГЭЭРСЭН ИХ БАГШ СУМА ЧИН ХАЙ  (Хөрөг нийтлэл) ТӨГС ГЭГЭЭРСЭН ИХ БАГШ СУМА ЧИН ХАЙ (Хөрөг нийтлэл)
Төгс Гэгээрсэн Их Багш Чин Хайн хөрөг нийтлэл
(1 жилийн өмнө)
ТӨГС ГЭГЭЭРСЭН ИХ БАГШ ЧИН ХАЙН СУРГААЛИЙН ТОВЧ ТОЛЬ ТӨГС ГЭГЭЭРСЭН ИХ БАГШ ЧИН ХАЙН СУРГААЛИЙН ТОВЧ ТОЛЬ
Авшиг хүртэнэ гэдэг бол агуу их сүнсээ танин ухаарах агшныг илэрхийлж байгаа юм. Авшиг хүртэх нь зө
(1 жилийн өмнө)
БУРХАН БАГШИЙН СУРГААЛ, ОШО БОГДЫН ТАЙЛБАР БУРХАН БАГШИЙН СУРГААЛ, ОШО БОГДЫН ТАЙЛБАР
АЗ ЖАРГАЛ: Ямар ч болзол үгүй зүгээр л таашаан баясахаас өөр аз жаргалд хүрэх зам үгүй.
(1 жилийн өмнө)

Онцлох шүлэг


Ном, бүтээлүүд


ДАРВИНЫ БИЧНЭЭС ЭНЕРГИЙН ОНОЛ ХҮРТЭЛХ ХҮМҮҮНИЙ ХУВЬСАЛ Экологийн боловсрол: Байгальд ээлтэй хүүхэд БАЙГАЛЬ ОРЧНЫ ТУХАЙ ШИНЭ БА ШИНЭЧИЛСЭН ХУУЛИУДЫН ТАНИЛЦУУЛГА Байгаль орчны шинэ хуулиудаас Хайрын ханасан уусмал Хөтөлгөө морьтой эцэг Мөнхрөхүй ухаан Цэцэг тоссон бүсгүй

Хуанли