ДҮҮЛЭН НИСЭХ ХАЙР

 

Дүүлэн нисэх хайр

 

Бялхам хайрын гайхамшгийг хүртэн мэдэрч, хуваалцахаар хүмүүн төрдөг

Зүрх, цус, нулимсаар бүтээсэн хайр

Тэнгэрлиг агаад гал цогтой

Бүхнийг хамгаалан хайрлах хязгааргүй хүчийг цацраах эр хүний хийморь

Энхрийлэн уяраах увдис бүхий тансаг үнэрт цэцэгсийн гоо үзэсгэлэн

 

Аргаар амьдрах амьдрал

Билгээр ундаалах ухаан

Алив бүхнийг хайраар дүүргэн

Алс тэртээд зорин жигүүрлэх

Жаргалд умбан, зоригоор дэвэн

Огторгуйн хязгааргүйд халин дүүлэх

Далайн аниргүйд амирлан дүүрэх

Цэнгэлд орших гэгээн хайр чухам энэ буюу...

 

Тоолж баршгүй цаг хугацаа

Хэмжиж үл мэдэх төрөл тутамд

Туулсан амьдралын дурсамжаар хэлбэржин

Зовлон, жаргал, ухаарлын үнэ цэнээр бүтээгдсэн

Эрдэнэ бүхий эрдэм төгөлдөр

Халгин цалгим хайр

Хотлыг ивээх наран лугаа оршсоор байсныг

Хавар сая дэлгэрэхэд

Хүмүүн бээр солонгорон

Хайраа цацраан түгээнэ

Юутай гайхамшиг...

 

Амьдрал өөрөө хайр

Хамаг бүхэн тэр чигтээ хайр буюу...

Хүн төрөлхтөнд бэлэглэсэн

Тэнгэрийн гэрэлт нүд.

 

 

Л.Басбиш 2022. 04. 30

 


     
Bookmark and Share


Сүүлд нэмэгдсэн


Дууны сайхан Дууны сайхан
Дууны сайхан
(2 өдрийн өмнө)
ГҮРРАГЧААГИЙН ЛХАГВАА ДОКТОР “Онцлох хүн” ГҮРРАГЧААГИЙН ЛХАГВАА ДОКТОР “Онцлох хүн”
Дэлхийн People сэтгүүлийн жишгийн дагуу эх дэлхий, эх орон, ард түмэндээ эерэг сайн ажилласан
(1 сарын өмнө)
ЯРУУ НАЙРГИЙН ТЭНГЭР ДОР ЯРУУ НАЙРГИЙН ТЭНГЭР ДОР
/Бидэн хоёр\
(3 сарын өмнө)

Онцлох шүлэг


Ном, бүтээлүүд


УЯХАН ЗАМБА ТИВИЙН НАРАН ДОР САМАДИ АГУУЛСАН ХУТАГТ БАГШ НАР  КВАНТ БОЛОВСРОЛ КВАНТ ЭМЧИЛГЭЭ ЧИНГИС ХААНЫ НУУЦ БА УХАМСРЫН ХҮН МОНГОЛЧУУД ШИНЖЛЭХ УХААНЫ ШИНЭ ЭХЭН Карма Ⅰ-Ⅱ боть аудио хэлбэрээр Mplus-д байршлаа. МОНГОЛЧУУД - ХООЛЗҮЙН УЛАМЖЛАЛ, ШИНЭЧЛЭЛ НИРВААН. МЯНГАНЫ ШАСТИР - БОТЬ Ⅵ

Хуанли