ХОЕРХОН ДУУДАХ УТАС


Утас дуугарна

Уянгалан дуудна

Учралын хорвоод

Дутуу юм алга

Уулзуулах гэж

Улс гүрнээрээ

Дуудуулж хайна

Учралын хорвоод

Дутуу юм алга

Утас

Улайссан төмөр шиг

Халуун юм гэж мэдсэнгүй

Ухасгээд авчих зориг дутна

Утас

Улайссан зуух шиг

Халуухан юм гэж мэдсэнгүй

Харан байж амьсгаа давхцана

Хөлс чийхарна

Харц мөргөлдүүлэн байж

Хайртайг цээжээр уншдаг

Эгэлгүй "хайртангууд"

Ээ бурхан өршөө

Эсвэл би өөрөө ч

Тэнэг байж мэднэ

Утас

Утасны цаана хүн

Хүн хүндээ

Хөндлөнгийн нэг биш

Хататлаа хүлээсэн

Халууртлаа хүссэн

Тийм ээ хүссэн хүлээсэн

Тэнгэрлиг тэр бүсгүй...

Утасны цаана хүн

Усгал харц, бүлээн амьсгал

Уянгалиг дуу, уярсан сэтгэл

Уймсан зүрх, үй олон хүлээлт

Утас

Утасны цаана...

Ахиад дуудах утас

Амьсгааг хоолойд юүлнэ

Дахин нэг дуудвал

Тарчлаан баярлуулах

Тамтай ачтай

Энэ утас

Хүсэх хүлээх гэдэг

Хүмүүнд амар заяахгүй

Хоёрхон дуудах харилцуур хооронд

Хамаг ухаан нийлж сална

Хонгорхон харц тодорч бүдгэрэн

Хорвоогоор чи дүүрч харагдана

Зүрх хүлээтэй зүүд шиг учрал

Зөн совин, хүслэн хяслан

Өөрийгээ ч олж харахгүй нь ээ

Би хайлж байна

Хоёрхон дуудлага харилцуур хооронд

Хорвоогийн жаргал наашилна, цаашилна

 

1985 он


     
Bookmark and Share


Сүүлд нэмэгдсэн


Ангийн хурлын илтгэл Ангийн хурлын илтгэл
Архангайн Тариат сумын дунд сургуулийг 1965 онд төгсөгчдийн ангийн хурал - 1992 он
(1 жилийн өмнө)
ӨӨРИЙГӨӨ ӨӨРЧЛӨХӨӨС ӨӨР ӨӨРЧЛӨХ ЮМ БИДЭНД БАЙХГҮЙ ӨӨРИЙГӨӨ ӨӨРЧЛӨХӨӨС ӨӨР ӨӨРЧЛӨХ ЮМ БИДЭНД БАЙХГҮЙ
Хүн бол Энергийн ба Термодинамикийн хуульд захирагдана. Хүн байх, хүн болохын үндэс нь эхлээд өөрийг
(1 жилийн өмнө)
ТӨГС ГЭГЭЭРСЭН ИХ БАГШ СУМА ЧИН ХАЙ  (Хөрөг нийтлэл) ТӨГС ГЭГЭЭРСЭН ИХ БАГШ СУМА ЧИН ХАЙ (Хөрөг нийтлэл)
Төгс Гэгээрсэн Их Багш Чин Хайн хөрөг нийтлэл
(3 жилийн өмнө)

Онцлох шүлэг


Ном, бүтээлүүд


ДАРВИНЫ БИЧНЭЭС ЭНЕРГИЙН ОНОЛ ХҮРТЭЛХ ХҮМҮҮНИЙ ХУВЬСАЛ Экологийн боловсрол: Байгальд ээлтэй хүүхэд БАЙГАЛЬ ОРЧНЫ ТУХАЙ ШИНЭ БА ШИНЭЧИЛСЭН ХУУЛИУДЫН ТАНИЛЦУУЛГА Байгаль орчны шинэ хуулиудаас Хайрын ханасан уусмал Хөтөлгөө морьтой эцэг Мөнхрөхүй ухаан Цэцэг тоссон бүсгүй

Хуанли