НАМУУНАА

Эцгийн өргөө зусландаа бууж байхад

Эрэгзэн ах Бөмбүүлээтэй суух гэж байхад

Эмээлийн мод морины үнэ хүрч байхад

Ээж хуршсан үүц ээзгийнд чанаж байхад

Эрэвгэр алаг нүд тогоотой сүүнд тусаж

Ижий минь надаас түрүүлж уулга алдахад

Эгчмэд жаахан Намуунаа надад ганц үзэгдэх гэж

Эртэлж ургасан яргуй шиг ирж гижигдээд буцлаа

Энэ зуны салхийг хөдөлгөж ирсэн

Эвлэгхэн хэвлүүхэн Намуунаа нар хурааж буцав

Намайг ганхуулж, саяны цас шиг хайлуулж

Намрын салхины үзүүрээс үг шивнэж буцав

Хотны ноход шуугиулж ирсэн Намуунаа

Холдож бүдгэрэх шувуудыг дагуулж одов

Хол ойрын харчуулыг мэгдүүлж ирсэн Намуунаа

Хотол найрын дуунаас сэрүү татуулж буцав

Намрын хонгор салхи үзүүрээсээ гандан

Нартай хамт Намуунтай хамт буцав

Найган ганхах сэтгэл үзүүрээсээ шарлан

Навчтай хамт газартай хамт гундав

Шаазгай шагшуулж ирсэн аль газрын Намуунаа

Салхи гиншүүлж,  зэрэглээ найгуулж буцав

Саалийн зэл, жалга эзгүйрч, эрчүүд дуугаа хураан

Саран тамгат хээрийн нүд нуухтаж хоцров

 

1986.9.9


     
Bookmark and Share


Сүүлд нэмэгдсэн


Ангийн хурлын илтгэл Ангийн хурлын илтгэл
Архангайн Тариат сумын дунд сургуулийг 1965 онд төгсөгчдийн ангийн хурал - 1992 он
(1 жилийн өмнө)
ӨӨРИЙГӨӨ ӨӨРЧЛӨХӨӨС ӨӨР ӨӨРЧЛӨХ ЮМ БИДЭНД БАЙХГҮЙ ӨӨРИЙГӨӨ ӨӨРЧЛӨХӨӨС ӨӨР ӨӨРЧЛӨХ ЮМ БИДЭНД БАЙХГҮЙ
Хүн бол Энергийн ба Термодинамикийн хуульд захирагдана. Хүн байх, хүн болохын үндэс нь эхлээд өөрийг
(1 жилийн өмнө)
ТӨГС ГЭГЭЭРСЭН ИХ БАГШ СУМА ЧИН ХАЙ  (Хөрөг нийтлэл) ТӨГС ГЭГЭЭРСЭН ИХ БАГШ СУМА ЧИН ХАЙ (Хөрөг нийтлэл)
Төгс Гэгээрсэн Их Багш Чин Хайн хөрөг нийтлэл
(3 жилийн өмнө)

Онцлох шүлэг


Ном, бүтээлүүд


ДАРВИНЫ БИЧНЭЭС ЭНЕРГИЙН ОНОЛ ХҮРТЭЛХ ХҮМҮҮНИЙ ХУВЬСАЛ Экологийн боловсрол: Байгальд ээлтэй хүүхэд БАЙГАЛЬ ОРЧНЫ ТУХАЙ ШИНЭ БА ШИНЭЧИЛСЭН ХУУЛИУДЫН ТАНИЛЦУУЛГА Байгаль орчны шинэ хуулиудаас Хайрын ханасан уусмал Хөтөлгөө морьтой эцэг Мөнхрөхүй ухаан Цэцэг тоссон бүсгүй

Хуанли