ЗҮҮДЭЛЖ СЭРСЭН ШҮЛЭГ

Намайг орчлонд ирээгүй гэж боддоо шүлэг минь

Найргийн тэнгэрт хур дутаж ган болох байсан

Нахиалж төлжих моддын мөчир гандан хувхайрч

Наргил даргил амьдралаас инээд хулжих байсан

Насаараа би хүмүүнд буян санаж яваа юм

Найраг төрүүлж насны өглөг барих гэж

Найр хавтгайрч хаанд өргөгдсөн амттай зүүдээ ч орхисон

Нартаас диваажинд аавтайгаа хуучилсан аагтай бодлоо ч орхисон

Өөртэйгээ ярьж үйлээ үзэн дуншиж

Үхсэн амьдаа сонжиж сэрэхэд чи төрсөн

Үйлийг үүрч, үгний хор буцалгаж эсвэл

Үхтэл дурлаж, үлгэр шиг жаргал надад эрхэлж байхад чи төрсөн

Гадаа хэн нэг нь агсам тавьж

Гансны толгойгоор аав тогшоод авахад чи төрсөн

Ганц л би найрагч юм шиг үүлгэртэн гэргий дуншиж, цай дэвэрч

Галын хайчаар ээж татаад авахад чи төрсөн

Галнаас, архинаас, галзуугийн гөлрөх харцнаас

Ганц сайн шүлэг хайрла гэж гуйж явсан

Газарт хэдийн шингэсэн цогцоос бас төрөх үрээс

Гарцаагүй шүлгэн хүү төрүүлж аль гэж гувшиж явсан

Ядаргаатай эхээс төрсөн сульдаатай шүлэг байхгүй

Ядаж хэн нэгийг чинь согтуудаа бичээгүй

Харин шүлэг минь чи өөрөө хөлчүү байж мэднэ

Хайранд норж дурлалд нэвчсэн халамцуу байж мэднэ

Замбуулингийн бүх салхиар шуурч чи төрсөн

Жалга жалгын усаар булхаж чи төрсөн

Жаргал зовлон хоёуланг дуншуулж

Цаст цагаан Алтайдаа хөлс чийхруулж төрсөн

Насаараа би хүмүүнд өглөг өгч яваа юм

Наргил даргил амьдралд хүмүүнийг уйдаахгүй гэж

Намрын уйтай нууранд шувуудыг тогтоох гэж

Найраг эсгэж шүлгэн сүү залгилуулах гэж

Насаараа би хүмүүнд өглөг өгч яваа юм

Харцганд ассан бүргэдийг нулимс унагатал уясааж

Хан тэнгэрийн хурыг аяндаа асгатал баясааж

Харь гаригийн бүсгүйг ирж сааттал шившиж

Халуухан хардалт нөмгөн хайрыг агсамнуулж шүлэг бичих сайхаан

 

1993.8.23

 



     
Bookmark and Share


Сүүлд нэмэгдсэн


ТӨГС ГЭГЭЭРСЭН ИХ БАГШ СУМА ЧИН ХАЙ  (Хөрөг нийтлэл) ТӨГС ГЭГЭЭРСЭН ИХ БАГШ СУМА ЧИН ХАЙ (Хөрөг нийтлэл)
Төгс Гэгээрсэн Их Багш Чин Хайн хөрөг нийтлэл
(1 жилийн өмнө)
ТӨГС ГЭГЭЭРСЭН ИХ БАГШ ЧИН ХАЙН СУРГААЛИЙН ТОВЧ ТОЛЬ ТӨГС ГЭГЭЭРСЭН ИХ БАГШ ЧИН ХАЙН СУРГААЛИЙН ТОВЧ ТОЛЬ
Авшиг хүртэнэ гэдэг бол агуу их сүнсээ танин ухаарах агшныг илэрхийлж байгаа юм. Авшиг хүртэх нь зө
(1 жилийн өмнө)
БУРХАН БАГШИЙН СУРГААЛ, ОШО БОГДЫН ТАЙЛБАР БУРХАН БАГШИЙН СУРГААЛ, ОШО БОГДЫН ТАЙЛБАР
АЗ ЖАРГАЛ: Ямар ч болзол үгүй зүгээр л таашаан баясахаас өөр аз жаргалд хүрэх зам үгүй.
(1 жилийн өмнө)

Онцлох шүлэг


Ном, бүтээлүүд


ДАРВИНЫ БИЧНЭЭС ЭНЕРГИЙН ОНОЛ ХҮРТЭЛХ ХҮМҮҮНИЙ ХУВЬСАЛ Экологийн боловсрол: Байгальд ээлтэй хүүхэд БАЙГАЛЬ ОРЧНЫ ТУХАЙ ШИНЭ БА ШИНЭЧИЛСЭН ХУУЛИУДЫН ТАНИЛЦУУЛГА Байгаль орчны шинэ хуулиудаас Хайрын ханасан уусмал Хөтөлгөө морьтой эцэг Мөнхрөхүй ухаан Цэцэг тоссон бүсгүй

Хуанли