Гал хилэгнэж агсамнана
Гарт таарснаа багалзуурдана
Ганц хүн улаан дөлөн дунд сүүтэгнэнэ
Гал онгичиж дотроос нь хүн хайна
Гангаар дархалж хийсэн зүрхтэй
Гантигаар шахаж цутгасан арьстай
Үзтэл энгийн биш нэгэн
Үхэл дунд үхэл, амьдрал зэрэг хайна
Надад оногдсон зүрхээ яаж ч аргадаад
Нанчид сархад юугаар ч тордоод
Гал нэгжих зориг алга аа!
Гартаа өлгийтэй хүүхэд тэвэрсээр
Гал эзэгнэгч ирж явна
Тал нь шатсан өөрийгээ гэмгүйд бодон
Талаас ургах нар шиг айсуй явна
Гал үмхээд Та тургиж чаднаа
Гартаа дөл атгаад наадаж чаднаа
Галзуу барс арваараа дайрсан ч айдасгүй
Газрын Од гэвэл Та л байх!
1998 он Берлин
English
