ТЭР ЖИЛИИН НААДАМ


Сийлэнбөөрийн аянаас сэрүү татан салхилж

Шинэхэн тэрлэг гандаан нар аахилсан наадам

Жилдээ ганцхан алаглах наадмын өнгө булааж

Зүүдний сайхан Дүүриймаа зүрхэнд дэлбээлсэн наадам

Дэнж бүрхсэн майхан зүүд юм шиг дэрвэж

Тэнзэн ташууртай ах нар дуу шиг номхорсон наадам

Дэлхийг эзлээд ирсийм шиг дээл хөөргөсөн эрс

Талимаа сайхан харцанд чинь талцаж согтсон наадам

Дэвж гарах бөхчүүл тэнхээндээ аархан

Дэлгэрхэн чиний өмнө бяр амтагдсан наадам

Дэл намираа хүлэг уяа битүү гийнгоолж

Дэлхий багадсан хурдны тоосонд нар жижгэрсэн наадам

Инээхэд чиний шүд энэ нарны цаанаас яралзаж харагдан

Инээхэд чиний дуу энэ тэнгэрийн гүнээс цуурайлж сонсдон

Насны найраг намайг чамтай хамт бүүвэйлж

Намрын сувдан шүүдэр бөнжийж үлдсэн наадам

Сийлэнбөөрийн аянаас сэрүү татан салхилж

Шинэхэн тэрлэг гандаан нар аахилсан наадам

Жилдээ ганцхан алаглах наадмын өнгө булааж

Зуүдний сайхан Дүүриймаа зүрхэнд дэлбээлсэн наадам


1998.7.16


     
Bookmark and Share


Сүүлд нэмэгдсэн


ГҮРРАГЧААГИЙН ЛХАГВАА ДОКТОР “Онцлох хүн” ГҮРРАГЧААГИЙН ЛХАГВАА ДОКТОР “Онцлох хүн”
Дэлхийн People сэтгүүлийн жишгийн дагуу эх дэлхий, эх орон, ард түмэндээ эерэг сайн ажилласан
(6 сарын өмнө)
ЯРУУ НАЙРГИЙН ТЭНГЭР ДОР ЯРУУ НАЙРГИЙН ТЭНГЭР ДОР
/Бидэн хоёр\
(7 сарын өмнө)
БУРХАН БУДДА, ЧИНГИС ХААН, СУУТ ЭЙНШТЕЙН НАР НЭГ Л ХЭЛЭЭР, ОРШИХУЙН ХЭЛЭЭР ЯРЬДАГ БУРХАН БУДДА, ЧИНГИС ХААН, СУУТ ЭЙНШТЕЙН НАР НЭГ Л ХЭЛЭЭР, ОРШИХУЙН ХЭЛЭЭР ЯРЬДАГ
Оршихуйд байхгүй юм гэж нэгээхэн ч үгүй.Тэнд бүх юм байна.Бид л заримыг нь олж харахгүй байгаа хэрэг
(5 сарын өмнө)

Онцлох шүлэг


Ном, бүтээлүүд


НУУЦЫН НУУЦ БУРХАН БУДДА - ШАШИН БА ШИНЖЛЭХ УХААНЫ НОЁН ОРГИЛ УЯХАН ЗАМБА ТИВИЙН НАРАН ДОР САМАДИ АГУУЛСАН ХУТАГТ БАГШ НАР  КВАНТ БОЛОВСРОЛ КВАНТ ЭМЧИЛГЭЭ ЧИНГИС ХААНЫ НУУЦ БА УХАМСРЫН ХҮН МОНГОЛЧУУД ШИНЖЛЭХ УХААНЫ ШИНЭ ЭХЭН Карма Ⅰ-Ⅱ боть аудио хэлбэрээр Mplus-д байршлаа.

Хуанли