ХАРЦАНД ЧИНЬ ЖИРГЭХ ШУВУУХАЙ

Газартай харгалдаж би

Гал гаргаж явна

Одтой шүргэлцэж

Оч үсэргэж явна

Дэлхий дээр тогтохоо больж

Дээлэндээ багтахаа байж явна

Хамаг бие шатна

Хав халуун, бүр улайссан зуух ч юм шиг

Хаанаасаа ийм их

Хайр гардаг байнаа

Хамаг сэтгэл янгинаж

Бөөн өвчин ч юм шиг

Хачин жаргалтай ч юм шиг

Хаанаасаа ийм "жаргалтай" өвчин

Гардаг байнаа

Өндгөн сар шиг торомгор бүсгүйн

Олзны хүнээ би

Үхүүлэх, эс бол жаргуулах ганц эзэнтэй

Өндөр дээд боол оо би

Өөрт минь байгаа юм бүхэн чинийх

Өөрөө би бүтэн биеэрээ чинийх

Хайрыг чинь даах

Уул мөнөө би

Харцанд чинь жиргэх

Шувуухай мөнөө би...

Уйлмаар, дуулмаар, бас хашгармаар ч

Утаа шиг уугиж

Хомоол шиг буугиж явна

Инээмээр ч, хүн бүртэй мэндэлмээр ч

Ийм их жаргал надаас

Хаанаас нь гардаг байнаа

Уулс тэвэрмээр, чулуу өргөмөөр

Би согтож байх шиг

Усыг , газрыг алдалж хэвтээд үнсмээр

Би жаргаж байх шиг

Газартай харгалдаж би

Гал гаргаж явна

Одтой шүргэлцэж

Оч үсэргэж явна

Дэлхий дээр тогтохоо больж

Дээлэндээ багтахаа байж явна

 

1993.8.24


     
Bookmark and Share


Сүүлд нэмэгдсэн


Ангийн хурлын илтгэл Ангийн хурлын илтгэл
Архангайн Тариат сумын дунд сургуулийг 1965 онд төгсөгчдийн ангийн хурал - 1992 он
(1 жилийн өмнө)
ӨӨРИЙГӨӨ ӨӨРЧЛӨХӨӨС ӨӨР ӨӨРЧЛӨХ ЮМ БИДЭНД БАЙХГҮЙ ӨӨРИЙГӨӨ ӨӨРЧЛӨХӨӨС ӨӨР ӨӨРЧЛӨХ ЮМ БИДЭНД БАЙХГҮЙ
Хүн бол Энергийн ба Термодинамикийн хуульд захирагдана. Хүн байх, хүн болохын үндэс нь эхлээд өөрийг
(1 жилийн өмнө)
ТӨГС ГЭГЭЭРСЭН ИХ БАГШ СУМА ЧИН ХАЙ  (Хөрөг нийтлэл) ТӨГС ГЭГЭЭРСЭН ИХ БАГШ СУМА ЧИН ХАЙ (Хөрөг нийтлэл)
Төгс Гэгээрсэн Их Багш Чин Хайн хөрөг нийтлэл
(3 жилийн өмнө)

Онцлох шүлэг


Ном, бүтээлүүд


ДАРВИНЫ БИЧНЭЭС ЭНЕРГИЙН ОНОЛ ХҮРТЭЛХ ХҮМҮҮНИЙ ХУВЬСАЛ Экологийн боловсрол: Байгальд ээлтэй хүүхэд БАЙГАЛЬ ОРЧНЫ ТУХАЙ ШИНЭ БА ШИНЭЧИЛСЭН ХУУЛИУДЫН ТАНИЛЦУУЛГА Байгаль орчны шинэ хуулиудаас Хайрын ханасан уусмал Хөтөлгөө морьтой эцэг Мөнхрөхүй ухаан Цэцэг тоссон бүсгүй

Хуанли