ЭХ ОРОН

Элж одсон бүхний өмнө сөхөрье, эх орон минь

Эдгэрч аньсан үлий, ширгэсэн шалбааг

Эзэнтэй байсан бүхэн миний эх орон

Элэнц маань дээлээ гандааж, шарилаа нутаглуулж

Эр бор харцгаа мориноосоо аялсан миний эх орон

Элээний өд, янгирын эвэр, элсний ширхэг

Эзэнтэй бүхэн эх орон минь

Ирж буцсан сүнс, заларсан бүх бурхад

Эцгийн хөлсний дусал миний эх орон

Уртын дууны шуранхай газраас тасарч

Унтаа үрс эхийн бүүвэйнд сөөм торнидог эх орон минь

Уяанд морь шилгээж, шүлэг задгай цалгиж

Умрын салхи буурны зогдортой ноцолдох эх орон минь

Эзэн Чингис бууж мордсон, ясаа тавьсан

Эрлэг шохоорхож, чөтгөр гуйж хоргодох миний эх орон

Эмээл дээр зүүрмэглэн үйлийн үрийг хазаарлаж

Эгээрсэн сүнс зүйргүй баясах эх орон минь

Буцах нарны хооронд зүгээр л оршиж

Булингаргүй сэтгэл, мөргүй амьдарсан өтгөсийн минь эх орон 

Яагаад тэгтлээ өмөөрдгөө би мэдэхгүй

Ясаа тавихад өр нэхэхгүй эх орон минь

 

2014.3.20


     
Bookmark and Share


Сүүлд нэмэгдсэн


ӨӨРИЙГӨӨ ӨӨРЧЛӨХӨӨС ӨӨР ӨӨРЧЛӨХ ЮМ БИДЭНД БАЙХГҮЙ ӨӨРИЙГӨӨ ӨӨРЧЛӨХӨӨС ӨӨР ӨӨРЧЛӨХ ЮМ БИДЭНД БАЙХГҮЙ
Хүн бол Энергийн ба Термодинамикийн хуульд захирагдана. Хүн байх, хүн болохын үндэс нь эхлээд өөрийг
(29 өдрийн өмнө)
ТӨГС ГЭГЭЭРСЭН ИХ БАГШ СУМА ЧИН ХАЙ  (Хөрөг нийтлэл) ТӨГС ГЭГЭЭРСЭН ИХ БАГШ СУМА ЧИН ХАЙ (Хөрөг нийтлэл)
Төгс Гэгээрсэн Их Багш Чин Хайн хөрөг нийтлэл
(2 жилийн өмнө)
ТӨГС ГЭГЭЭРСЭН ИХ БАГШ ЧИН ХАЙН СУРГААЛИЙН ТОВЧ ТОЛЬ ТӨГС ГЭГЭЭРСЭН ИХ БАГШ ЧИН ХАЙН СУРГААЛИЙН ТОВЧ ТОЛЬ
Авшиг хүртэнэ гэдэг бол агуу их сүнсээ танин ухаарах агшныг илэрхийлж байгаа юм. Авшиг хүртэх нь зө
(2 жилийн өмнө)

Онцлох шүлэг


Ном, бүтээлүүд


ДАРВИНЫ БИЧНЭЭС ЭНЕРГИЙН ОНОЛ ХҮРТЭЛХ ХҮМҮҮНИЙ ХУВЬСАЛ Экологийн боловсрол: Байгальд ээлтэй хүүхэд БАЙГАЛЬ ОРЧНЫ ТУХАЙ ШИНЭ БА ШИНЭЧИЛСЭН ХУУЛИУДЫН ТАНИЛЦУУЛГА Байгаль орчны шинэ хуулиудаас Хайрын ханасан уусмал Хөтөлгөө морьтой эцэг Мөнхрөхүй ухаан Цэцэг тоссон бүсгүй

Хуанли