Бүтээлч сэхээтэн - монголын бахархал


Бүтээлч сэхээтэн - монголын бахархал

Бид их эзэн Чингис хаанаараа бахархдаг нь юутай сайн хэрэг билээ. Цагаан сарын битүүнд өргөөндөө ганцаараа адууны толгой мөлжөөд сууж байсан эгэлхэн хаан маань тухайн үедээ Бурхан гэгдэж өргөмжлөгдсөн өндөр настай Чан Чун Бумбыг өөрийн нь урилгаар талдаа 2 жил мориор зүтгүүлсээр морилон ирэхэд нь ууц, ул боов таваглаж  хөөрцөглөх  нь бүүхэл айрагнаас өөр хоолгүй угтсан тийм даруухан мөртөө дэлхийд энх тайван тогтоох аргыг өөрийнхээрээ бодож олж, цэргийн стратеги, тактик төдийгүй дэлхийг удирдах менежментийн шилдэг хувилбарыг бий болгосон тийм нэгэн үнэн оюунлиг хүнийг бахархал, үлгэр дууриалаа болгодог хүмүүн бээр өөрөө агуу юм.

Улс орны бахархал болсон орчин цагийн олон хүний нэг техникийн шинжлэх ухааны доктор, профессор, академич, Монгол улсын төрийн шагналт Дарийн Содномдорж байгаагүйсэн бол эх орон маань ямар их юмаар дутах байсныг бодоход айдас төрж байна.

Нэг сэдэвт зохиол 10, ном, сурах бичиг 6, гарын авлага 13-ыг хэн туурвиж, 20 ном зохиолыг хэн хянан тохиолдуулж, эрдэм шинжилгээний 38 ажлыг дуусгаж, 35 төслийг хэн хэрэгжүүлж, эрдэм судлалын 160-аад өгүүллийг хэн бичиж нийтлүүлэх байсан бол?

Хичнээн олон эрдэмтэн, судлаач, мэргэжлийн боловсон хүчнийг бэлтгэх нөр их ажлын нэгээхэн хэсгийг нуруун дээрээ үүрэхдээ халшраагүй харин ч улайран зүтгэж байсны нь ачаар монголын цахилгаан эрчим хүчний үйлдвэрлэл өнөөдөр хүний гар царай харахгүй айлын дайтай байгаа.

Түүний судалгааны нэлээд нь цахилгааны шугам сүлжээн дэх эрчмийн алдагдлыг бууруулах цогц арга, математик загваруудыг бий болгоход чиглэгдэж, шинжлэх ухааны эдгээр мэдлэг нь өөрөө үйлдвэрлэх хүч, үйлдвэрлэлийн удирдлагыг төгөлдөржүүлэх арга хэрэгсэл болж хувирахыг хөгжил дэвшил гэвээс эрдэмтэн маань ийм үлгэр дуурайлтай ажилласнаараа туурвигчаас бүтээгч эрдэмтэн болж чадсан хэрэг. Энэ бол эрдэмтэй бүхэнд тохиодоггүй онцгой сайн үйлс, эрдэмтэн гэгдэхийн гавъяа юм. Тиймдээ ч Монгол улсын төрийн шагнал хүртсэн их бүтээлийн эзэн болжээ. Ийм эрхэм эрдэмтнээрээ бахархахгүй юм бол өөр хэнээрээ бид чинь бахархах билээ.

Эрдэм ном, бүтээл туурвилыг нэгэн биеийн жаргалаа болгогсодын өмнөөс, энэхүү агуу хэргийн төлөө өөрийгээ золиослогсдын өмнөөс, шинжлэх ухаан гээч дэндүү хүчир хөдөлмөрийн зовлонг жаргалтай нь гадарлах нэгний хувиар таны бүтэээж туурвисан бүхний тань төлөө түмэнтээ талархан бахархахыг минь зөвшөөрнө үү.

Техникийн шинжлэх ухааны доктор, профессор Г.Лхагваа



Bookmark and Share

Сүүлд нэмэгдсэн


ТӨГС ГЭГЭЭРСЭН ИХ БАГШ СУМА ЧИН ХАЙ  (Хөрөг нийтлэл) ТӨГС ГЭГЭЭРСЭН ИХ БАГШ СУМА ЧИН ХАЙ (Хөрөг нийтлэл)
Төгс Гэгээрсэн Их Багш Чин Хайн хөрөг нийтлэл
(1 жилийн өмнө)
ТӨГС ГЭГЭЭРСЭН ИХ БАГШ ЧИН ХАЙН СУРГААЛИЙН ТОВЧ ТОЛЬ ТӨГС ГЭГЭЭРСЭН ИХ БАГШ ЧИН ХАЙН СУРГААЛИЙН ТОВЧ ТОЛЬ
Авшиг хүртэнэ гэдэг бол агуу их сүнсээ танин ухаарах агшныг илэрхийлж байгаа юм. Авшиг хүртэх нь зө
(1 жилийн өмнө)
БУРХАН БАГШИЙН СУРГААЛ, ОШО БОГДЫН ТАЙЛБАР БУРХАН БАГШИЙН СУРГААЛ, ОШО БОГДЫН ТАЙЛБАР
АЗ ЖАРГАЛ: Ямар ч болзол үгүй зүгээр л таашаан баясахаас өөр аз жаргалд хүрэх зам үгүй.
(1 жилийн өмнө)

Онцлох шүлэг


Ном, бүтээлүүд


ДАРВИНЫ БИЧНЭЭС ЭНЕРГИЙН ОНОЛ ХҮРТЭЛХ ХҮМҮҮНИЙ ХУВЬСАЛ Экологийн боловсрол: Байгальд ээлтэй хүүхэд БАЙГАЛЬ ОРЧНЫ ТУХАЙ ШИНЭ БА ШИНЭЧИЛСЭН ХУУЛИУДЫН ТАНИЛЦУУЛГА Байгаль орчны шинэ хуулиудаас Хайрын ханасан уусмал Хөтөлгөө морьтой эцэг Мөнхрөхүй ухаан Цэцэг тоссон бүсгүй